Virgil van Dijk e ka vlerësuar ditën e sotme si “një ditë krenare për të dhe familjen e tij” pasi finalizoi transferimin rekord për 84.5 milionë euro nga Southamptoni në Liverpool.

Transferimi, që theu rekord për tarifën më të madhe të paguar për një mbrojtës, do të finalizohet më 1 janar pas shumë muajve negociata dhe polemika, transmeton portali arbresh.info.

“Jam i kënaqur dhe krenar që kam pranuar të bëhem një lojtar i Liverpoolit. Sot është një ditë krenare për mua dhe familjen time pasi i jam bashkuar njërit nga klubeve më të mëdha në botën e futbollit”, ka shkruar mbrojtësi holandez në llogarinë e tij në rrjetin social Twitter.

“Nuk mund të pres që të veshi fanellën e famshme të kuqe për herë të parë dhe të jap gjithçka që kam për të ndihmuar këtë skuadër të mrekullueshme për të arritur diçka të veçantë në vitet e ardhshme”

Liverpooli njoftoi për nënshkrimin e tij gjithashtu në rrjetin social Twitter duke postuar një foto të Van Dijkut duke mbajtur një fanellë të “Redsave”./arbresh.info/

Liverpool Football Club can confirm they have reached an agreement with Southampton for the transfer of Virgil van Dijk.

Full story: https://t.co/tJy9vsGOen pic.twitter.com/L17A7UwqaU

— Liverpool FC (@LFC) December 27, 2017