Rreth dy orë pasi ka thënë se në çantën e klientit të saj, Enis Latifi, ka pasur përveç flamurit të ISIS-it edhe helm, avokatja Sabrije Jashari, ka kërkuar që t’i demantohet kjo deklaratë. Arsyetimi i saj është se e kanë keqkuptuar mediat.

Por deklarata e saj para mediave është incizuar nga gazetarët. Koha.net, që raportoi për deklaratën e avokates Jashari e posedon të plotë incizimin, ndërsa këtu po e transmetojmë sekuencën ku ajo tregon se çka i është gjetur në çantë klientit të saj.

Gazetarja: E çka ka pas në atë çantë?

Avoktja: Ka pas flamur të ISIS-it, edhe diçka tjetër!

Gazetarja: Çka është ajo tjetër?

Avoktja: Qasi, helm…

Pas arrestimit të pesë të dyshuarve për terrorizon në afërsi të liqenit të Badovcit, Ujësjellësi Rajonal Prishtina në koordinim me Policinë e Kosovës, kanë ndalur të shtunën ujin për lagjet e Prishtinës që furnizohen nga ky liqe. Sipas tyre, kjo është bërë me qëllim të shmangies së rrezikut nga helmimi i mundshëm i ujit nga të arrestuarit. Në deklarimet për opinion, Policia e Kosoves ka mohuar se te këta pesë persona është gjetur helm.