Ish-ministrja e Tregtisë dhe Industrisë, Mimoza Kusari – Lila tha se debate rreth kësaj ministrie, ku është përfshirë edhe përfaqësues i BE-së në Kosovë, Samuel Zhbogar, është shumë e rëndë.

Një udhëheqës institucional duhet të dijë për faktet që duhet të ju drejtuar institucioneve përkatëse e jo të bëjë fushata mediatike.

Përfshirja në këtë debat me atë nivel me udhëheqësit e Bashkimit Europian në Kosovë, është përveçse papjekuri politike edhe e dëshmshme për Kosovën.

“Konspiracioni se unë si kryetare e Komunës së Gjakovës, të shkoj deri aty sa për të hartuar një letër si ajo që flitet. Kjo është zhvlerësim për mua personalisht, por edhe për zotri Zhbogarin”, tha Kusari – Lila.

“Asnjëherë, pavarësisht raporteve që kam me z.Zhbogar, nuk kemi folur për gjera të tilla sikurse thuhen në letrën, të cilën unë e kam lexuar kur është publikuar në media. Nëse ministrja aktuale beson që ka diçka të vërtet, ajo duhet të drejtohet në institucione serioze me fakte e jo të merret me fushata të këtij niveli.”, shtoi më tej Kusari – Lila.

Kusari vazhdoi duke thënë se mbi të gjitha, ministria duhet të ketë focus në implementimin e marrëveshjeve në funksion të MSA-së.

Por Mimoza Kusario-Lila zbuloi edhe një të fshehtë në lidhje me MTI:

“Ministria e Tregtisë dhe Industrisë, kur është negociuar koalicioni në vitin 2011, ishte planifikuar të mbyllet, për shkak të mosfunksionalitetit. Ka qenë insistimi im që ministria të mos mbyllet. E brenda pak kohe, ajo ministri është vlerësuar prej të gjitha raporteve ndërkombëtare, për ristrukturimin dhe përformancën e Ministrisë.”

Megjithatë, sipas Kusari – Lilës, Raporti i Progresit i BE-së dhe Raporti i Bankës Botërore ka për të treguar se si është ecuria e kësaj ministrie, e atëherë ne kemi për të dhënë një opinion mbi fakte.

Sa i takon rikonstruktimit të MTI-së, kjo është thënë edhe në raportet ndërkombëtare dhe vendore për këtë qëllim”, tha në fund Mimoza Kusari – Lila në emisionin Rrokum Roll.