Biznesmeni nga Prishtina, njëherit pronari i hotelit ‘Princi i Arbërit’ në Kodrën e Trimave,  Florim Maloku, i cili ishte dënuar me 8 vite burg në Maqedoni nën akuzën për ‘Vjedhje të Bankës’  është liruar sot.

Arbresh.info ka siguruar fotot e Malokut pas kthimit të tij në familje. Po ashtu familjarë të Malokut kanë postuar fotografi nga kthimi i  tij në Prishtinë, duke shprehur edhe emocionet e tyre.

Kohë më parë arbresh.info pati shkruar se rasti i biznesmenit Maloku ishte i montuar nga shteti i Maqedonisë për arsyet që nuk diheshin.

Madje në një intervistë për portalin arbresh.info djali i tij Faton Maloku kishte thënë se babai i tij ishte akuzuar pa prova duke cekur se edhe ‘Komiteti i Helsinkit’ dhe ‘Ambasada e Kroacisë’ që nga fillimi e kishin përcjellë rastin e biznesmenit Maloku dhe kishin thënë se është rast i montuar.

Po ashtu edhe ish-ministri i Punëve të Brendshme të Maqedonisë Lube Boshkoski, në një konferencë për media kishte komentuar dënimin e biznesmenit Florim Maloku duke thënë se ai është në burg për një vepër që nuk e kishte kryer./Arbresh.info/