Poeti kilian, Pablo Nerduda nuk ka vdekur nga kanceri i prostatës, thonë ekspertët e mjekësisë ligjore.

Laureati i Nobelit besohej se kishte vdekur nga kanceri i prostates në vitin 1973, dy javë më heret se grush shteti ushtarak i udhëhequr nga gjenerali Augusto Pinochet, shkruan BBC, transmeton portali arbresh.info

Ish shoferi i tij, Manuel Araya, pohon se ai vdiq pasi u helmua nga shërbimi sekret.

Testet e kryera së fundmi në eshtrat e Nerudës kanë konfirmuar se ai nuk vdiq nga kanceri, por ende nuk është zbuluar shkaku i vërtetë.

Dr. Aurelio Luna në një konferencë për shtyp tha se ekspertët janë “100 përqind të bindur” se certifikata e vdekjes së poetit nuk e “pasqyron shkakun real të vdekjes”.

Poeti vuante nga kanceri i prostatës, por kjo nuk ishte kërcënuese për jetën e tij.

Ekspertët tani do të kryejnë një test mbi toksin që është gjetur në eshtrat e tij.

Neruda ishte një mbështetës dhe mik i ngushtë i Presidentin socialist kilian, Salvador Allende.

Poeti ndërroi jetë me 23 shtator 1973, 12 ditë pas grushtit ushtarak dhe tri ditë pasi i ishte ofruar azil në Meksikë./arbresh.info/