Ish zëvendësministri Bajram Gecaj i cili njihet për reagimet e tij në mbrojtje të partisë LDK, ka shkruar për Dardan Molliqajn e Vetëvendosjes, shkruan arbresh.info

Ai ka thënë se gabon deputeti nga VV-ja nëse mendon që për hir të rivalitetit me PDK-në, Lidhja Demokratike do të nënshtrohet ndaj secilës kërkesë.

Lexoni shkrimin e tij të plotë

FUSHATË E PASKRUPULLT ELEKTORALE

Dardan Molliqaj na tha dje se “mosrealizimi i koalicionit me neve i mundësoi PDK-së koalicion të gjerë”. “Hyp se t’vrava, zhdryp se t’myta”, thotë populli për situata të tilla. Gabohet Molliqaj dhe kushdo tjetër nëse mendojnë se, vetëm për hir te rivalitetit me PDK-në, LDK do përkulet para apo se do t’i nënshtrohet gjithsecilës kërkesë dhe nga kushdo-qoftë. Partitë të cilat vërtetë dëshirojnë koalicione dhe bashkëpunim të sinqertë sillen krejt ndryshe. Arritja kësisoj e poenëve politikë, si dhe fushata e tillë e paskrupullt elektorale helmon dhe minon edhe të ardhmen bashkëpunuese.