Rusia mohon reklamat në Facebook gjatë fushatës presidenciale në SHBA

MOSCOW - SEPTEMBER 26: The Great Kremlin Palace is seen in Moscow September 26, 2003, Moscow. (Photo By Ian Walton/Getty Images)

15:23 | 22 Shtator 2017
Arbresh.info

Kremlini ka mohuar implikimin e Rusisë në reklama në rrjetin social Facebook, që ishin postuar gjatë zgjedhjeve presidenciale të Shteteve të Bashkuar, në vitin 2016, shkruan Radio Evropa e Lirë.

“Ne nuk dimë se kush i vendos reklamat në Facebook the pse”, ka thënë zëdhënësi i presidentit rus, Vladimir Putin, Dmitry Peskov.

“Kurrë s’kemi bërë një gjë të tillë dhe Rusia nuk ka të bëjë asgjë me këto reklama”, tha Peskov.

Presidenti i SHBA-së, Donald Trump i ka quajtur raportimet lidhur me reklamat ruse “ shaka”, ku ka shkruar në Twitter se “ Shakatë e Rusisë vazhdojnë, tani me reklama në Facebook”.

Zyrtarët e rrjetit social Facebook, thonë se planifikojnë të dorëzojnë tek hetuesit e Kongresit të Shteteve të Bashkuara, 3000 reklama që kanë lidhje me Rusinë, të cilat qarkulluan disa muaj para dhe pas zgjedhjeve në SHBA.