Pothujase 60 % e amerikanëve do të mbështesin veprimin ushtarak ndaj Koresë Veriore, nëse përpjekjet diplomatike nuk do të pengojnë vendin komunist për të realizuar ambiciet e saj ndaj armëve bërthamore.

Sipas një sondazhi të kryer nga Gallup, shumë pak amerikanë besojnë se Koreja Veriore do të godasë SHBA-të, transmeton portali arbresh.info

Rezultatet e sondazhit, të botuara  të premten, shfaqin një ndarje të qartë politike mes përkrahësve të dy partive kryesore.  Rreth 82% të mbështetësve të republikanëve janë në favor të përgjigjjes ushtarake, ndërsa nga ana e përkrahësve demokratë janë shfaqur vetëm 37%.

Numri i amerikanëve që mbështesin veprimet ushtarake ndaj regjimit të Kim Jong-un është rritur ndjeshëm që nga viti 2003, kur edhe u rritën tensionet mes Uashingtonit dhe Phenianit, pasi Presidenti Bush akuzoi Phenianin se ‘po armatos vetën për të shkatërruar qytetarët e saj’.

Koreja Veriore ka testuar një raketë të re balistike, e cila fluturoi mbi ishullin japonez të Hokkaidos. Testimi i raketës së gjashtë erdhi një ditë pasi Këshilli i Sigurimit të OKB-së, duke përfshirë Kinën dhe Rusinë, ranë dakord për të raund të sanksionesh ekonomike./arbresh.info/