Drejtori i Zyrës për Kosovën në Qeverinë e Serbisë, Marko Gjuriq ka thënë se shtetet anëtare të OKB-së pret që do ta mbështesin krijimin e Gjykatës Speciale.

“Pres që të gjitha shtetet, veçanërisht anëtarët e përhershme të Këshillit të Sigurimit të mbështesin themelimin e gjykatës ndërkombëtare apo Tribunalit që do t’i gjykonte krimet e UÇK-së”, ka thënë Gjuriq në një konferencë për media.

Popullin serb për më pak se 24 orë, pas lirimit të Naser Oriqit, edhe një herë i është hedhur krim në plagë me vendimin e Kuvendit të Kosovës që të refuzoi themelimin e Gjykatës Speciale puna e së cilës do të ishte gjykimi i krimeve të UÇK-së”, ka potencuar Gjuriq.

Ndryshe, deputetët e Kuvendit të Kosovës i thanë jo sot miratimit të ndryshimit të amandamentit 24 të Kushtetutës së Kosovës, përmes të cilit do të hapej rruga për themelimin e Gjykatës Speciale, transmeton zeri.info.

Në sallë ishin 116 deputetë, prej tyre 84 pranuan të votojnë për pro ose kundër kësaj themelimit të Gjykatës Speciale. Prej 84 deputetëve, 75 votuan pro, 7 kundër, kurse 2 abstenuan.