Sulmuesi kosovar i Manchester United, Adnan Januzaj është afër transferimit te skuadra në La Liga, Real Sociedad.

Gjatë vikendit, raporte të ndryshme pretenduan që reprezentuesit të Belgjikës i është thënë se nuk ka të ardhme në Old Trafford pasi ishte lënë jashtë skuadrës parasezonale të Jose Mourinhos për udhëtim në Shtetet e Bashkuara të Amerikës, transmeton portali arbresh.info.

22-vjeçari shijoi një vit të shkëlqyer në Manchester United gjatë sezonit 2013/14 duke shënuar katër herë brenda 35 paraqitjeve për “Djajtë e Kuq” nën udhëheqjen e trajnerit David Moyes.

Januzaj ka pasur probleme të shumta gjatë sezoneve të kaluara, megjithatë, pas dështimeve si një i huazuar te Borussia Dortmundi dhe Sunderlandi, sulmuesi tani është afër largimit nga Manchester United.

Bazuar në ‘Manchester Evening News’, Sociedad ka arritur një marrëveshje me Manchester United dhe reprezentuesi i Belgjikës do të udhëtojë në Spanjë për të finalizuar transferimin para fillimit të sezonit 2017/18.

Januzaj ka dështuar për të shënuar në 25 paraqitje në Premierë Ligë te Sunderlandi sezonin e kaluar./arbresh.info