Leicester City ka nënshkruar me mesfushorin Vicente Iborra nga skuadra spanjolle Sevilla, ka konfirmuar klubi në Premierë Ligë.

Spanjolli ka nënshkruar kontratë katër vjeçare me skuadrën në King Power, transmeton portali arbresh.info.

Mesfushori është transferuar për një tarifë të pazbuluar, por që raportohet të jetë rreth 12 milionë funta duke u bërë kështu lojtari i dytë i transferuar te “Dhelprat” këtë verë.

“Jam shumë i lumtur për transferimin te Leicester City dhe kam dëshirë të shijojë Premierë Ligën me bashkëlojtarët e ri sezonin e ardhshëm. Çdo gjë në këtë klub duket mirë dhe është kënaqësi të takohem me bashkëlojtarët e mi të ri. Tashmë kam folur me ta rreth qytetit dhe klubit, kështu që nuk mund të pres për t’ia filluar”, ka thënë Iborra për faqen zyrtare të klubit./arbresh.info

BREAKING: #lcfc is delighted to confirm the signing of @Iborra_Vicente from Sevilla for an undisclosed fee ➡️ https://t.co/nv5iUhMrkA pic.twitter.com/NDsi7v1523

— Leicester City (@LCFC) July 6, 2017