Vetëvendosje po mban manifestimin qendror në sheshin “Zahir Pajaziti”

20:19 | 12 Qershor 2015
M. A.

Subjekti më i madh opozitar në vend, Lëvizja Vetëvendosje po shënon sot 10-vjetorin e themelimit.

Kjo lëvizje ka organizuar në sheshin “Zahir Pajaziti”, një ekspozitë me shumë fletushka, gazeta e fotografi nga aksionet e protestat si dhe veprimtaritë e tjera politike të saj ndër vite.

Përmes kësaj ekspozite, qytetarët kanë mundur të njihen me historinë dhe ecjen e këtij subjekti gjatë ekzistencës në skenën politike.

Ndërkohë, para pak minutash në amfiteatrin e sheshit “Zahir Pajaziti” ka nisur një manifestim publik, ku do të mbahen fjalime dhe do të shfaqet edhe një dokumentar për 10-vjetorin e kësaj lëvizje, i cili do të pasohet nga një koncert.

Manifestimi po transmetohet direkt në KTV, si hapësirë e sponsorizuar.

Shpërndaje në rrjete sociale