Komandanti i lartë ushtarak i ngarkuar me forcat e NATO-s dhe të SHBA-ve në Europë kërkon më shumë trupa dhe automjete të blinduara në kontinekt, për të kundërshtuar ‘rilindjen e Rusisë’.

Gjenerali Curtis M. Scaparrotti akuzoi Rusinë për kërcënimin e sigurisë rajonale dhe globale, transmeton portali arbresh.info.

Gjenerali Scaparotti, kreu i Komandës Evropiane të SHBA-së (EUCOM) – përgjegjës për të gjitha forcat amerikane në Evropë, si dhe Komandanti Suprem i Forcave Aleate të NATO-s në një konferencë përpara Senatit ka thënë ‘se përballemi me strategjinë më dinamike në historinë e kohëve të fundit në Europë’.

“Në lindje, një rilindje e Rusisë do të thotë minim i rendit global ndërkombëtar të udhëhequr nga Perëndimi dh eta rifitojë veten si një fuqi globale”, ka thënë ai.

Dy brigada ushtarake amerikane janë vendosur në mënyrë të përhershme në Europë: Regjimenti i 2-të Cavalry në Gjermani dhe 173th Airborne në Itali./Arbresh.info