Kryeministri i Kosovës Isa Mustafa, ka numëruar ato që ai i ka quajtur të arritura gjatë mandatit të tij. Duke folur për ndërprerjen e operatorëve të telefonisë mobile në veri, Mustafa përmendi edhe punë të tjera të cilat tha se u përfunduan derisa ai po udhëheq Qeverinë.

Shkrimi i plotë i Mustafës në Fcaebook:

Ndërprerja e të gjitha shërbimeve të operatorëve të telefonisë mobile që kanë vepruar në mënyrë të pa autorizuar nga paslufta në territorin e Republikës së Kosovës është lajm i mirë për Kosovën.

Ndër të arriturat historike gjatë këtij mandati është edhe bërja e Kosovës me Kod Shtetëror Ndërkombëtar Telefonik (+383), kompletimi i shumë elementeve të shtetësisë si dhe shtrirja e sovranitetit në tërë territorin e vendit.

Kosova sot nuk ka barrikada, nuk ka mure, nuk ka trena provokues, unë promovova urën që lidh dy komunat më veriore të shtetit tonë, shuajtëm shumë struktura paralele…

Kauzat fiktive, që na mbajtën peng 15 vjet, po bien një nga një, gjatë këtij mandati të punës me vendosmëri dhe përkushtimit të plotë për të ardhmen e vendit!