Gjykata e Lartë Angleze, me seli në Londër, hedhur poshtë ankesën e Telekomit të Kosovës ndaj vendimit të Tribunalit të Arbitrazhit të Odës Ndërkombëtare të Tregtisë (ICC), duke vlerësuar se Telekomi i Kosovës deri më tash nuk e ka bërë asnjë hap përpara në respektimin e kontratës bazë me Dardafon.net L.L.C, e as nuk ka respektuar vendimin e Arbitrazhit të ICC-së.

Siç njofton Z Moblie, vendimi për shkelje të kontratës, i vërtetuar nga ICC-a, konsiston në katër pika themelore, për të cilat arbitrat ndërkombëtarë kanë gjetur shkeljet nga Telekomi i Kosovës:

– Mosfurnizimi me me SIM Kartela,

– Mosfurnizimi me numra,

– Mosofrimi i shërbimeve 3G dhe 4G, si dhe

– Ulja e cilësisë së shërbimeve.

Komunikata e plotë e Z Moblie:

Gjykata e Lartë Angleze, me seli në Londër, ka hedhur poshtë ankesën e Telekomit të Kosovës ndaj vendimit të Tribunalit të Arbitrazhit të Odës Ndërkombëtare të Tregtisë (ICC), është bërë e ditur sot nga kjo gjykatë.
Me anë të një njoftimi thuhet se “gjykatësi ka gjetur se paraqitësi i ankesës, perkatesisht Telekomi i Kosoves nuk baze per ankese dhe se Vendimi i Tribunalit mbetet ne fuqi. 
Perveq tjerash Gjykata e Larte Angleze ka caktuar masën e kompenzimit të shpenzimeve dhe për këtë rast nda Dardafon.net L.L.C, në shumën prej 65 mijë funtesh”, thuhet në njoftimin.
Tribunali i Arbitrazhit të ICC-së, pas procedurës që ka zgjatur prej 2 vitesh, në dhjetor të vitit të kaluar, ka konstatuar shkelje të detyrimeve kontraktuese nga ana e Telekomit të Kosovës.
Vendimi për shkelje të kontratës, i vërtetuar nga ICC-a, konsiston në katër pika themelore, për të cilat arbitrat ndërkombëtarë kanë gjetur shkeljet nga Telekomi i Kosovës:

– Mosfurnizimi me me SIM Kartela

– Mosfurnizimi me numra

– Mosofrimi i shërbimeve 3G dhe 4G, si dhe

– Ulja e cilësisë së shërbimeve

Mohimi i këtyre shërbimeve të parapara me kontratë e ka bërë të pamundur funksionimin normal të një kompanie që ofron shërbime të telekomunikacionit.
Telekomi i Kosovës deri më tash nuk e ka bërë asnjë hap përpara në respektimin e kontratës bazë me Dardafon.net L.L.C, e as nuk ka respektuar vendimin e Arbitrazhit të ICC-së.
Pas hudhjes poshtë të ankesës me edhe një vendim gjyqësor ndërkombëtar, të cilës i ishte drejtuar vetë Telekomi i Kosovës, ne presim që të respektohen vendimet sa më shpejtë, në mënyrë që klientët tanë të mos vazhdojnë të humbin nga mungesa e shërbimeve.
Siç e kemi cekur edhe herën e parë, ne, përgjatë gjithë këtyre viteve të vështira, me humbje tepër të mëdha, kemi bërë përpjekje maksimale që të mos e mbyllim kompaninë.

Tribunali i Arbitrazhit të Odës Ndërkombëtare të Tregtisë, e përzgjedhur nga palët kontrakuale gëzon reputacionin si një ndër insitucionet më të besueshme të arbitrazhit për zgjidhjen e kontesteve komerciale në nivel ndërkombëtar.
Dëshirojmë të theksojmë sërish se ne gjatë gjithë kohës kemi shpresuar se mosrespektimin e kontratës do ta zgjidhin me mirëkuptim të drejtpërdrejt nga Telekomi i Kosovës dhe se asnjëherë nuk e kemi dëshiruar që për këtë kontest t’ i detyrohemi të kërkojmë drejtesi prane arbitrazhit ndërkombëtar.
Ne shpresojmë që vendimi i ICC-së, si dhe tash vendimi i Gjykatës së Lartë Angleze, do ta rikthejë normalitetin në marrëdhëniet ndërmjet dy kompanive me partneritet të mirëfilltë e profesional.
Përfundimisht, përshëndesim edhe ata klientë tonë, të cilët edhe përkundër pamundësisë për të operuar normalisht në tregun e telekomunikacionit – na kanë mbetur besnikë.