Ministrja Hoxha kërkon ndihmë për gratë kosovare

14:53 | 29 Mars 2017
Arbresh.info

Ministrja e Drejtësisë, Dhurata Hoxha ka bërë të ditur se ka kërkuar ndihmë juridike falas për gratë të cilat janë palë në kontekstet pronësore.

Ajo theksoi se ka numër të madh të kontesteve pronësore në përgjithësi dhe të atyre ku palë janë gratë në veçanti.

Ky është postimi i plotë i ministres Hoxha në Facebook:

“Kam kërkuar nga Grupi punues që gjatë punës që po bëhet për ndryshim/plotësimin e Ligjit Për Ndihmë Juridike Falas, të përfshihen dispozitat të cilat adresojnë shprehimisht dhënien e ndihmës juridike falas për gratë të cilat janë palë në kontestet pronësore.

Së fundi, jemi dëshmitarë të prezencës së numrit të madh të kontesteve pronësore në përgjithësi dhe të atyre ku palë janë gratë në veçanti.

Avancimi i të drejtave pronësore të grave është detyre e jona. Trajtimi i barabartë para ligjit, duhet t’u garantohet të gjithë qytetarëve pa dallim”.