Anësori i Interit, Ivan Perisic është duke u kërkuar sërish për transferim në Liverpool derisa një ofertë prej 35 milionë euro thuhet të jetë e gatshme.

Reprezentuesi kroat është duke shijuar një sezon të jashtëzakonshëm pas nëntë golave dhe shtatë asistimeve gjatë 33 ndeshjeve, transmeton portali arbresh.info. Perisic, i cili së fundmi ka mbushur 28 vite, mund të luaj në krahun e djathtë, të majtë apo prapa sulmuesve.

Interi siguroi shërbimet e tij nga Wolfsburgu për 19 milionë euro në fund të merkatos, por një tarifë e tillë sigurisht se është dyfishuar tani.

Edhe pse vazhdon të jetë ende nën kontratë deri në qershor të vitit 2020, raportet të ndryshme sugjerojnë që Liverpooli është i përgatitur për të paguar 35 milionë euro. Në rast transferimi, Perisic do i ribashkohej me trajnerin Jurgen Klopp, me të cilën ka qenë së bashku te Borussia Dortmundi nga viti 2011 deri në janar të vitit 2013./arbresh.info