Një këshilltar i lartë i Shtëpisë së Bardhë ka sulmuar gjykatën e apelit për perzullimin e urdhërit të Presidentit Donald Trump mbi ndalimin e emigrantëve.

Stephen Miller tha për mediat amerikane se vendimi i gjykatës është një ‘uzurpim gjyqësor i pushtetit’ dhe se ‘fuqitë e presidentit janë përtej pyetjeve”, transmeton portali arbresh.info.

Gjykata e Apelit në SHBA ka hedhur poshtë përpjekjen e Donald Trump për të rivendosur ndalimin e urdhërit të tij ekzekutiv, për ndalimin e qytetarëve që duan të hyjnë në SHBA nga shtatë vende të banuara me shumicë myslimane.

Urdhëri i Trump ka shkaktuar kaos në aeroportet amerikane dhe ka nxitur protesta të mëdha në mbarë vendin.

Gjatë një interviste për Fox Neës, Miller ka akuzuar Gjykatën e Apelit, e cila nuk miratoi urdhërin e Trump.

“Ne kemi degë të barabarta të pushtetit në këtë vend, dhe Gjyqësori nuk është më i larti”, ka thënë ai.

Sipas sistemit amerikan të kontrollit dhe balancimit, gjykata mund të shpallë ligje ose akte nga presidenti si jokushtetuese./Arbresh.info