Aktorja 35-vjeçare, Amy Schumer, e njohur për rolet e saj në komeditë Inside Amy Schumer dhe Trainwreck, ka blerë fermën të cilin babai i saj ishte detyruar ta shiste kur ajo ishte 9-vjeç.

“Ne e kishim humbur këtë fermë kur unë isha fëmijë, por sot e kemi kthyer prap”, ka shkruar ajo në Instragram, transmeton arbresh.info.

Në një intervistë për NYT, ajo ishte shprehur se familja e saj kishte falimentuar kur ajo ishte nëntë vjeç, dhe babai i saj u diagnostikua edhe me sklerozë të shumëfishtë.

Në autobigrafinë e saj, ajo ka shkruar se ‘jeta ishte gjithnjë e më pak e rëhatshme për ne, pasi prindërit humbën paratë’.

“Filluam të jetonim nëpër shtëpi të vogëla dhe flenim me një dhomë”, ka shkruar ajo.

Megjithatë, jeta e saj ka marrë kthesë për të mirë. Aktorja ka arritur të emocionojë tej mase edhe babain e saj me dhuratën e bërë./Arbresh.info