Në Itali janë mbyllur votimet për referendumin e kërkuar nga Kryeministri italian Matteo Renzi, i cili ka kërkuar ndryshime kushtetuese, për të hequr kompetenca të Dhomës së Lartë të Senatit dhe për t’ia kaluar Qeverisë.

Sipas sondazheve paraprake të publikuara nga mediat italiane, 55%-59% është përgjigjia JO për ndryshimet kushtetuese dhe 41%-45% për PO.

Sipas të dhënave të Ministrisë së Brendshme të Italisë, deri në orën 19:00 është regjistruar një pjesëmarrje në votime prej 57.24%. Humbja e referendumit rrezikon karrierën e Kryeministrit Matteo Renzi.

Ky i fundit ka premtuar se do të japë dorëheqjen nëse nuk fiton propozimi i tij në referendum. Sondazhet paraprake tregojnë se shumica e popullsisë është kundër këtyre ndryshimeve. Në orën 24:00, është paralajmëruar një dalje për mediat e Kryeministrit Renzi.