Trajneri i Real Madridit, Zinedine Zidane ka thënë se as nuk është duke e menduar mundësinë e eliminimit nga Liga e Kampionëve.

Këto komente ai i bëri në prag të takimit të së martës kundër Wolfsburgut, prej së cilës humbi me rezultat prej 2 me 0 në Gjermani. Francezi duke optimist për ndeshjen kthyese që do të zhvillohet në Bernabeu.

“Madridi asnjëherë nuk përgatitet për eliminim. Gjithmonë e mendojmë që të kalojmë në fazën tjetër, gjithnjë duam më shumë. Kjo është arsyeja që ky klub ka fituar kaq shumë kupa evropiane. Nuk jam i brengosur, duhet të jemi të qetë dhe të arrijmë qëllimin tonë dhe duhet të qëndrojmë pozitiv. I dua këto sfida, është mirë të jesh përballë një qëllimi të vështirë. Duhet të jemi të fokusuar për 90 minuta”, ka thënë Zidane, raporton Goal.