Kryetari i Kuvendit të Kosovës, Kadri Veseli ka pritur sot në takim kryetarin e Partisë Demokratike të Shqipërisë, Lulzim Basha.

Në këtë takim u bisedua për thellimin e bashkëpunimit mes opozitës në Shqipëri dhe pozitës në Kosovë, situatën politike në Kosovë dhe Shqipëri, zgjedhjen e presidentit etj.

Pas takimit, Kryetari Lulzim Basha dha një mesazh për krerët e Pozitës dhe Opozitës.

“Nuk mendoj që gazi është model për parlamentin. Parlamenti ka dinamikën e vet. Padyshim që opozita ka përgjegjësit e veta në demokraci dhe opozita po bënë që këto përgjegjësi t’i kryejnë brenda kushtetutës. Mesazhi për krerët e opozitës dhe pozitës është i njëjtë, ku dëshiron një Kosovë të fortë një shtet të konsoliduar të së drejtës, pra sikur prioritetet e PD-së në Shqipëri, tha Basha.

I pari i Kuvendi në Kosovë, Kadri Veseli tha se” Ka çështje dhe sfida të përbashkëta për të cilat ne synojmë të ecin. Po flas për sfidat në aspektin ekonomik, pastaj sfidat e integrimit ku bashkë kemi prioritet të hyjmë në BE. Do doja që edhe kolegët tanë opozitarë ta ndjekin shembullin e kryetarit Basha që është kryetar i opozitës në Shqipëri. Poashtu eksperiencat që ka kaluar Republika e Shqipërisë nëpër procese të ndryshme na ndihmojnë veçanërisht shumë”, tha Veseli./Arbresh.info