Një epokë e re po nis te Real Madrid, ndërsa si Endrick ashtu edhe José Mourinho janë të entuziazmuar për bashkëpunimin e tyre në sezonin e ardhshëm.

Sipas raportimeve, drejtuesit e Real Madridit e kanë informuar Endrickun që në muajin maj për planin e klubit që të investojë tek ai dhe ta konsiderojë një pjesë shumë të rëndësishme të skuadrës për sezonin 2026/27, shkruan Arbresh.info.

Sulmuesi brazilian është i motivuar për t’u rikthyer në “Santiago Bernabéu” pas një huazimi mjaft të suksesshëm te Olympique Lyon, ku la përshtypje me paraqitjet e tij.

Aktualisht, fokusi i tij i plotë është te Kombëtarja e Brazil dhe Kupa e Botës 2026.

Nga ana tjetër, Mourinho e vlerëson shumë potencialin e 20-vjeçarit dhe besohet se e sheh atë si një opsion të rëndësishëm në repartin ofensiv.

Trajneri portugez mund ta aktivizojë Endrickun si sulmues qendre, por edhe në krahët e sulmit, varësisht nga nevojat e skuadrës.

Te Real Madridi ekziston bindja se braziliani mund të ketë një rol kyç në projektin e ri të klubit, ndërsa sezoni i ardhshëm pritet të jetë mundësia e madhe për të treguar vlerat e tij me fanellën e bardhë./Arbresh.info

 

View this post on Instagram

 

A post shared by Fabrizio Romano (@fabriziorom)