Ndeshja e barazhit të Superligës do të zhvillohet këtë fundjavë në stadiumin “Rexhep Rexhepi” në Drenas.

Në këtë përballje, e cila luhet të shtunën nga ora 16:00, do të përballen Dinamo dhe Llapi. Fituesi do të sigurojë një vend në Superligën e Kosovës për sezonin 2026/27, ndërsa humbësi do të garojë në Ligën e Parë.

Në fakt, Dinamo vjen pas fitores në duelin e barazhit të Ligës së Parë, ku javën e kaluar mposhti Lirinë 2:0 në Klinë, dhe tani synon të sigurojë promovimin në elitën e futbollit kosovar. Megjithatë, për ta arritur këtë, skuadra duhet të kalojë pengesën e Llapit.

Nga ana tjetër, Llapi po paraqitet për të dytin vit radhazi në barazh për Superligë, pasi edhe sezonin 2025/26 e përfundoi në pozitën e tetë në tabelë.

Mbetet të shihet se kush do të sigurojë pjesëmarrjen në Superligë për sezonin e ardhshëm: nëse Llapi e konfirmon qëndrimin apo nëse Dinamo debuton në elitën e futbollit kosovar.