Paris Saint-Germain arriti ta fitoj mbrëmë Ligën e Kampionëve duke e mposhtur Arsenalin pas ekzekutimit të penalltive.

Achraf Hakimi ishte një nga realizuesit e penalltive, me serinë që u mbyll 4:3 në të mirë të parisienëve ku edhe e fituan trofeun e dytë rresht të Ligës së Kampionëve, shkruan Arbresh.info.

Për Hakimin ky titulli ishte i veçantë.

Mbrojtësi maroken Achraf Hakimi ka shkruar historinë e futbollit afrikan, pasi është bërë lojtari afrikan me më së shumti trofe të fituar në karrierë.

Hakimi ngriti trofeun e 19-të madhor të karrierës, duke lënë pas legjendat afrikane Samuel Eto’o dhe Yaya Touré, të cilët kanë nga 18 trofe secili.

29-vjeçari ishte një nga figurat kyçe të PSG-së në sezonin historik të klubit francez, ndërsa me suksesin e fundit vulosi emrin e tij në librat e historisë së futbollit afrikan.

Me 19 trofe të mëdhenj në koleksion, Hakimi tashmë qëndron i vetëm në krye të renditjes së futbollistëve afrikanë më të dekoruar në histori.

Trofetë e fituar nga Hakimi:

• 3 Liga të Kampionëve
• 5 tituj të Ligue 1
• 2 Kupa të Francës
• 3 Superkupa të Francës
• 1 titull të Serie A
• 1 Kupë të Kombeve të Afrikës (AFCON)
• 1 Superkupë të UEFA-s
• 1 Kupë të Botës për Klube
• 1 Superkupë të Gjermanisë
• 1 Superkupë të Spanjës