Kryeministri në detyrë, Albin Kurti, ka shprehur mirënjohje për ushtarët amerikanë që kanë kontribuar në çlirimin e Kosovës dhe në ruajtjen e sigurisë e prosperitetit të vendit.

Përmes një postimi në rrjetin social X, me rastin e Memorial Day, Kurti tha se falënderimi vjen në emër të Qeverisë dhe qytetarëve të Kosovës.

“Me rastin e Ditës Përkujtimore, në emër të Qeverisë dhe popullit të Kosovës, përcjell falënderimet e Republikës sonë për të gjithë ushtarët amerikanë që kanë kontribuar në çlirimin tonë dhe në sigurinë e prosperitetin e vazhdueshëm të vendit”, ka shkruar Kurti.

Ai theksoi se kjo ditë shërben edhe për të nderuar të gjithë ata që sakrifikuan jetën për idealet e lirisë dhe demokracisë.

“Në këtë ditë solemne, le t’i kujtojmë gjithashtu të gjithë ata që dhanë jetën për vlerat e përjetshme të lirisë, barazisë dhe demokracisë”, ka shkruar ai.

On this 🇺🇸 Memorial Day, in the name of the Government and people of Kosova, I convey the thanks of our Republic to all the American soldiers who have contributed to our liberation and to the continuing security and prosperity of our country. On this solemn day, let us also…

— Albin Kurti (@albinkurti) May 25, 2026