Një zjarr i madh shpërtheu të hënën në mëngjes në periferi të Los Angelesit, në shtetin e Kalifornisë, duke detyruar autoritetet të urdhërojnë evakuime emergjente për banorët e disa zonave, ndërsa flakët po përhapen me shpejtësi të rrezikshme.

Sipas departamentit lokal të zjarrfikësve, zjarri nisi pak pas orës 10:50 sipas orës lokale në zonën e Simi Valley, rreth 60 kilometra në veriperëndim të Los Angelesit, një qytet me mbi 100 mijë banorë.

Autoritetet paralajmëruan se flakët po kërcënojnë drejtpërdrejt ndërtesat dhe infrastrukturën e zonës, ndërsa era dhe kushtet atmosferike po favorizojnë përhapjen e zjarrit.

Për të vënë situatën nën kontroll janë angazhuar rreth 200 zjarrfikës, tre avionë zjarrfikës dhe gjashtë helikopterë, të cilët po punojnë intensivisht nga toka dhe ajri.

New Start, California: The Sandy Fire broke out this afternoon in Simi Valley, in Ventura County. Structures have already been impacted by the rapidly moving fire, and aerial and ground resources are engaged in structure protection.

This fire has already burned over 200… pic.twitter.com/DHE6pLQOrU

— The Hotshot Wake Up (@HotshotWake) May 18, 2026

Departamenti i zjarrfikësve bëri të ditur se urdhri i evakuimit prek katër zona të Simi Valley, ndërsa një pjesë e komunitetit fqinj Thousand Oaks është vendosur në gjendje paralajmërimi.

Deri më tani nuk raportohet për viktima, ndërsa autoritetet po monitorojnë nga afër situatën dhe u kanë bërë thirrje banorëve të ndjekin udhëzimet e emergjencës.