Jeffrey Epstein kishte lënë një letër që dyshohet se ishte shkruar para vdekjes së tij në burg në vitin 2019, dokument i cili tashmë është bërë publik nga një gjykatës federal në New York City.

Sipas raportimit të Reutersnë letrën e shkruar me dorë përfshihej fraza: “Është një privilegj të zgjedhësh kohën për t’i thënë lamtumirë”.

Publikimi i dokumentit erdhi pas një kërkese nga “The New York Times”, ndërsa gjykatësi Kenneth Karas vendosi se nuk kishte baza ligjore që letra të vazhdonte të mbahej e vulosur.

Sipas dokumenteve gjyqësore, letra ishte gjetur nga ish-shoku i qelisë së Epstein, Nicholas Tartaglione, pas një tentative të mënjëhershme për vetëvrasje në burg.

Epstein u gjet i vdekur në qelinë e tij në Manhattan në 10 gusht të vitit 2019. Autoritetet amerikane e shpallën rastin si vetëvrasje, megjithatë vdekja e tij ka vazhduar të nxisë teori të shumta konspirative ndër vite.