Kosova nesër luan përballjen më të rëndësishme në histori ndaj Sllovakisë në Bratislavë me fillim nga ora 20:45.

Kjo ndeshje ka një interesim të jashtëzakonshme duke ditur se për ‘Dardanët’ janë për herë të parë në play-off të Kupës së Botës, shkruan Arbresh.info.

Ani pse disa e shohin favorit absolut Sllovakinë, me të njëjtin mendim nuk janë edhe disa sllovakë.

Ish-lojtari i përfaqësueses sllovake, Marek Sapara ka folur rreth kësaj ndeshje.

Për të ndeshja e bashkëkombësve të tij do të jetë e vështirë.

“Nëse dikush mendon se do të kemi një ndeshje të lehtë kundër Kosovës dhe pastaj do të shkojmë në finale, ai nuk e njeh futbollin e Kosovës”, u shpreh ai.

Më tej ai tregoi një arsye ku Kosova mund të shihet si favorite.

“Është një ekip tepër i nënvlerësuar me emra të mëdhenj që luajnë në Bundesligë, Spanjë ose Itali. Në rast se Skriniar mungon, mendoj se Kosova do të jetë një favorit i lehtë”, tha Sapara.

Marek Sapara ka zhvilluar 38 ndeshje me kombëtaren sllovake dhe ka shënuar pesë gola.

Fituesi i këtij takimi luan me kombëtaren e cila fiton ndeshjen mes Turqisë dhe Rumanisë për një vend në Kampionat Botërorin që mbahet në SHBA, Meksikë dhe Kanada./Arbresh.info