Kryeministri britanik, Keir Starmer ka dënuar sulmet hakmarrëse të Iranit ndaj vendeve fqinje pas sulmeve të përbashkëta nga SHBA dhe Izraeli.

Në një deklaratë të përbashkët me presidentin francez Emmanuel Macron dhe kancelarin gjerman Friedrich Merz, ai tha se Franca, Gjermania dhe Mbretëria e Bashkuar i kanë kërkuar vazhdimisht regjimit iranian t’i japë fund programit bërthamor, të frenojë programin e tij të raketave balistike, të përmbahet nga aktiviteti i tij destabilizues në rajon dhe të ndalojë dhunën dhe shtypjen e tmerrshme kundër popullit të tij.

“Ne nuk morëm pjesë në këto sulme, por jemi në kontakt të ngushtë me partnerët tanë ndërkombëtarë, duke përfshirë Shtetet e Bashkuara, Izraelin dhe partnerët në rajon. Ne përsërisim angazhimin tonë për stabilitetin rajonal dhe mbrojtjen e jetës civile. Ne dënojmë sulmet iraniane ndaj vendeve të rajonit në termat më të ashpër. Irani duhet të përmbahet nga sulmet ushtarake pa dallim. Ne i bëjmë thirrje udhëheqjes iraniane të kërkojë një zgjidhje të negociuar. Në fund të fundit, populli iranian duhet të lejohet të përcaktojë të ardhmen e tij”, thuhet në deklaratë.