Kusari kërkon përshpejtimin e miratimit të Projektligjit për Inovacion: Hapet rruga për krijimin e Fondit

20:26 | 23 Shkurt 2026
E.G

Ministrja e Tregtisë, Industrisë, Ndërmarrësisë dhe Inovacionit, Mimoza Kusari-Lila, ka njoftuar se ka nënshkruar kërkesën për përshpejtimin e miratimit të Projektligjit për Inovacion dhe Ndërmarrësi.

Kusari-Lila ka thënë se pas miratimit të tij në Kuvendin e Republikës, hapet rruga për krijimin e Fondit për Inovacion.

Ajo ka deklaruar se ky është një hap i rëndësishëm në kuadër të reformave që burojnë nga Plani i Rritjes me BE-në.

“Në ditët në vijim do të organizohet një forum diskutimi me aktorë kyç, për të adresuar vërejtjet dhe sugjerimet e tyre lidhur me Projektligjin. Me politika që kanë në fokus ndërmarrjet e reja dhe ato ekzistuese, si dhe zhvillimin e inovacionit dhe kreativitetit, do të ofrohet më shumë mbështetje për inovacionin, ndërmarrësinë dhe ekonominë kreative”, ka shkruar Kusari-Lila.