Presidentja e Vjosa Osmani ka pranuar letra urimi nga Kujdestari i Dy Xhamive të Shenjta, Lartmadhëria e Tij, Salman bin Abdulaziz Al Saud, si dhe nga Princi i Kurorës dhe Kryeministri i Arabisë Saudite, Lartësia e Tij Mbretërore, Mohammed bin Salman, me rastin e 18-vjetorit të Pavarësisë së Kosovës.

Në mesazhet e tyre, ata përcollën urimet më të përzemërta për Presidenten Osmani, institucionet dhe qytetarët e Kosovës, duke shprehur dëshirën për shëndet, lumturi, progres dhe prosperitet të mëtejshëm për vendin, njofton Presidenca.

Tutje, theksuan rëndësinë e marrëdhënieve të ngrohta dhe bashkëpunimit të vazhdueshëm ndërmjet Kosovës dhe Arabisë Saudite, duke shprehur përkushtimin për forcimin e partneritetit dhe mirëkuptimit të ndërsjellë në të ardhmen.