Tahiri: Do të votojmë pro rezolutës për ish-krerët e UÇK-së

16:32 | 12 Shkurt 2026
E.G

Besnik Tahiri nga Aleancë për Ardhmërinë e Kosovës (AAK) pas takimit të kryesisë së Kuvendit të Kosovës, ka thënë se kjo parti do të votojë pro rezolutës për procesin gjyqësor ndaj ish-krerëve të UÇK-së në Hagë.

“Tema më e rëndësishme është rezoluta që Kuvendi i Kosovës do ta miratojë në orën 19:00 sa i përket çlirimtarëve tonë që gjinden padrejtësisht në Hagë. Aleanca për Ardhmërinë e Kosovës ka një dakordim për tekstin e kësaj rezolute”, ka thënë Tahiri në deklarimin për media.

Më tej ai ka njoftuar se tema e parë që do të diskutohet në seancën e sontme do të jetë ndarja e komisioneve.

“Rritja e numrit të ministrive ka reflektuar edhe në rritjen e komisioneve që do ta bëjnë mbikëqyrjen. Tema e dytë është me ndarjen buxhetore”, ka deklaruar ai.

Ai ka thënë se sot s’do të bohet votimi i marrëveshjeve ndërkombëtare.