Një autoambulancë është përfshirë nga zjarri në Qendrën e Mjekësisë Familjare në fshatin Ratkoc të Rahovecit.

Sheremet Elezaj, zëdhënës i policisë për rajonin e Gjakovës ka thënë se si pasoj e zjarrit janë shkaktuar dëme edhe në objektin e QMF-së, shkruan Arbresh.info.

“Rreth orës 02:40 është raportuar për një incident zjarri në fshatin Ratkoc-Rahovec. Njësitet policore dhe zjarrfikësit kanë dalë menjëherë në vendin e ngjarjes, ku zjarri kishte përfshirë dhe djegur një autoambulancë në Qendrën e Mjekësisë Familjare. Si pasojë e zjarrit janë shkaktuar dëme edhe në objektin e QMF-së. Zjarri është lokalizuar dhe nuk ka pasur pasoja për njerëzit”, tha Elezaj.

Tutje Elezaj bëri të ditur se lidhur me rastin një person i dyshuar është në kërkim.

“Në konsultim me Prokurorin e Shtetit, rasti është iniciuar si “zjarrvënie”. Lidhur me rastin, jemi në kërkim të një personi të dyshuar dhe po ndërmerren veprimet e nevojshme hetimore për zbardhjen e plotë të rrethanave të ngjarjes”, tha Elezaj./Arbresh.info