Në bazë të urdhëresës së gjykatës, autoritetet kanë kryer gërmime në një lokacion në Mitrovicë të Jugut, ku janë gjetur eshtrat e së paku dy personave që dyshohet se i përkasin listës së personave të zhdukur gjatë luftës së viteve 1998-1999.

Sipas policisë, mbetjet mortore besohet se lidhen me rastet e zhdukjeve me forcë gjatë periudhës së luftës së fundit në vend.

Pas përfundimit të procedurave në vendin e ngjarjes, eshtrat janë dërguar në Instituti i Mjekësisë Ligjore për ekzaminime mjeko-ligjore dhe për konfirmimin e identitetit përmes analizës së ADN-së.

“Mitrovicë Jugu / 1998-1999 – NN. Me urdhëresë të gjykatës është bërë gërmimi dhe janë gjetur eshtrat e së paku dy personave të zhdukur gjatë kohës së luftës së fundit për të cilët besohet se i përkasin listës kombëtare të personave të zhdukur me forcë gjatë periudhës së luftës 1998-1999. Pas përfundimit të procedurave në vendin e ngjarjes mbetjet e eshtrave janë sjellur në IML për ekzaminim mjekësor dhe konfirmim të identitetit përmes analizës së ADN-së”, thuhet në raportin 24 orësh të PK./Arbresh.info