Ministri në detyrë i Financave, Hekuran Murati ka reaguar pasi sot në Kuvendin Komunal të Prishtinës u votua bartja e të hyrave vetanake nga viti 2024 në 2025.

Me anë të një postimi në Facebook, Murati tha se atë që nuk e bëri Lumir Abdixhiku dhe LDK-ja në Kuvendin e Republikës së Kosovës, e bëri Lëvizja Vetëvendosje në Kuvendin Komunal.

“Sot, asamblistët e Lëvizjes Vetëvendosje e votuan bartjen e të hyrave vetanake në Kuvendin Komunal të Prishtinës. Pra atë që nuk e bëri Lumir Abdixhiku dhe LDK-ja në Kuvendin e Republikës së Kosovës, e bëri Lëvizja Vetëvendosje në Kuvendin Komunal, për të zhbllokuar pagesat për shërbimet esenciale publike. Sepse, siç është vërtetuar tash e sa herë, për Lëvizjen Vetëvendosje interesat e qytetarëve çdoherë kanë prioritet”, tha Murati./Arbresh.info

LEXO EDHE:

Kuvendit Komunal i Prishtinës miraton bartjen e buxhetit 2024 në 2025

Rama: Uroj që Murati ta mbajë fjalën për alokimin e mjeteve të votuara sot