Theren me thikë dy të mitur në Prishtinë, arrestohet i dyshuari

08:21 | 23 Nëntor 2025
E.H

Një person është arrestuar në Prishtinë pasi dyshohet se ka goditur me thikë dy të mitur, raporton Policia e Kosovës.

Sipas policisë, viktimat kanë pranuar tretman mjekësor në QKUK, ku njëri është liruar ndërsa tjetri po vazhdon tretmanin, shkruan Arbresh.info.

I dyshuari pas intervistimit është dërguar në mbajtje.

“Prishtinë / 22.11.2025 – 20:00. Dy të dyshuar kosovar-të mitur, kanë pësuar lëndime pasi dyshohet se janë përleshur fizikisht me të dyshuarin tjetër kosovar, i cili dyshohet se i ka goditur me mjet të mprehtë-thikë. Të dyshuarit e lënduar janë dërguar për tretman mjekësor në QKUK, ku njëri prej tyre është liruar e tjetri vazhdon tretmanin, ndërsa i dyshuari tjetër është arrestuar dhe pas intervistimit me vendim të prokurorit është dërguar në mbajtje”, thuhet në raportin 24 orësh të PK./Arbresh.info