Arian Tahiri me mesazh falënderues: Urime Faton Pecit, respektoj vullnetin e popullit

11:02 | 10 Nëntor 2025
E.G

Kandidati i Partisë Demokratike të Kosovës (PDK), Arian Tahiri e ka uruar Faton Pecin për fitoren në Mitrovicë.

Në një postim në Facebook, ai ka thënë se e respekton vullnetin e popullit, shkruan Arbresh.info.

“Ju falënderoj të gjithëve për besimin dhe përkrahjen që më dhatë në garën për Kryetar të Mitrovicës. Ishte një privilegj i madh të jem pjesë e një procesi demokratik që dëshmoi pjekurinë tonë politike dhe kulturën e lartë qytetare. Rezultati i zgjedhjeve është shprehje e vullnetit tuaj dhe ky vullnet do ta ketë gjithmonë respektin tim.Urime kundërkandidatit tim për fitoren! I uroj suksese në punën e tij për Mitrovicën.”, ka shkruar ai.

“Unë do të vazhdoj të jem në shërbim të Mitrovicës dhe të të gjithë qytetarëve, me ndershmëri, përkushtim dhe dashuri për qytetin tonë, si gjithmonë” , shtoi Tahiri./Arbresh.info