Aksidenti me një të lënduar në Komoran, flet për Arbresh.info dëshmitari nga vendi i ngjarjes

13:23 | 2 Tetor 2025
E.G

Një person ka mbetur i lënduar nga një vet-aksident trafiku që ka ndodhur sot në Komoran.

Altin Gashi , i cili ishte dëshmitarë në vendin e ngjarjes, së bashku me kolegun e tij nga kompania “Royal Security”, Drin Pacolli, tregon se ndihmuan të lënduarin.

Ai thotë se kanë qenë ndër të parët në vendin e ngjarjes dhe kanë dhënë ndihmën e tyre për të aksidentuarin.

Për Arbresh.info, Gashi tha se menjëherë kanë lajmëruar emergjencën, por është dashur të presin rreth një orë për ardhjen e ekipit mjekësor.

Ai, ka shtuar se pavarësisht vonesës së ndihmës së parë, nuk janë ndalur së ndihmuari të lënduarin, i cili ka qenë në rrezik për jetën për shkak të gjakderdhjes së madhe.

Gashi, shprehu shqetësimin se qytetarët tjerë që kalonin, përveç që xhironin kombin e aksidentuar, nuk ndalonin për të ndihmuar./Arbresh.info/