Trajneri i Shqipërisë, Sylvinho, ka marrë edhe një lajm të keq në prag të ndeshjes me Serbinë.

Serbia dhe Shqipëria do të përballen me 11 tetor në Leskovc në kuadër të kualifikimeve për Kupën e Botës 2026.

Pas Marash Kumbullës dhe Arbër Hoxhës, është lënduar edhe Ardian Ismajli.

Ai pësoi lëndim në ndeshjen e fundit të Torinos, të humbur 2-1 nga Parma, dhe u detyrua të largohet nga fusha në minutën e 77-të.

Gjithashtu, edhe mesfushori Julian Shehu ka probleme me lëndimet. Ai u zëvendësua në takimin ndërmjet Eidzew Lodzit dhe Rakowit.

Të dy lojtarët do t’i nënshtrohen kontrolleve shtesë gjatë kësaj jave për të përcaktuar shkallën e lëndimeve dhe mundësinë për t’u aktivizuar në ndeshjen kundër Serbisë.

Kjo situatë e bën më të vështirë përgatitjen e kombëtares shqiptare, ndërsa trajneri Sylvinho do të vendosë mbi formacionin final pas ekzaminimeve mjekësore.