Në media të ndryshme ka pasur raportime për një largim të mundshëm të Enzo Marescas nga posti i trajnerit të Chelseat.

Por një largimin i tillë nuk pritet të ndodhë. Edhe pse Chelsea ka dy humbje rresht në Premier League, drejtuesit e klubit londinez nuk po e shqyrtojnë mundësinë e ndarjes me Marescan.

Tekniku italian e ka besimin e plotë të drejtuesve të Chelseat,raporton “BBC”.

Chelsea ka dy fitore në gjashtë ndeshjet e fundit në elitë. Renditet në pozitën e tetë me tetë pikë.

45-vjeçari Maresca me Chelsean ka nënshkruar kontratë deri në verën e vitit 2029.

Drejtimin e gjigantit anglez e mori nga 1 korriku i vitit të kaluar.

Deri më tani e ka drejtuar Chelsean në 72 ndeshje. Ka 44 fitore, 11 barazime dhe 17 humbje.

Me Chelsean, Maresca e ka fituar Ligën e Konferencës dhe Kupën e Botës për klube.

Maresca në të kaluarën ka drejtuar edhe skuadra si Leicester City e Parma. Ka qenë edhe ndihmëstrajner te Manchester City, Sevilla e West Ham Unitedi.