Pas largimit të Klodian Duros, Liria ka vendosur për timonierin e ri të skuadrës. Skuadra prizrenase ka njoftuar se Liridon Leci do të jetë trajner i ri i klubit.

Lajmi u bë i ditur përmes një postimi në rrjetin social Facebook, shkruan Arbresh.info.

“Klubi njofton me kënaqësi se trajneri Liridon Leci i është bashkuar ekipit tonë si kryetrajner.”

“Leci karrierën e tij si trajner e ka nisur te Flamurtari, ndërsa ka drejtuar edhe Rahovecin dhe shpresat e Ferizaj!”

“Si ish-lojtar, ai numëron tituj kampioni dhe përvojë të çmuar ndërkombëtare.”

“Me ardhjen e tij, synojmë të konkurrojmë denjësisht në garat elitare, duke shpresuar në rezultate pozitive dhe paraqitje të mira për kënaqësinë e tifozëve tanë”, shkruhet në njoftimin e Lirisë.

Leci si trajner ka udhëhequr Flamurtarin e Rahovecin si dhe Ferizaj U21.

Liria synon inkuadrimin në Superligën e Kosovës./Arbresh.info