Ish-presidenti i Kosovës, Behgjet Pacolli, ka përuruar sot kompleksin e ri shumëfunksional “Ayan Zalat” në kryeqytetin e Mongolisë, Ulan Bator.

Projekti i zhvilluar nga kompania e tij, Mabetex Group, përfshin një qendër prestigjioze hoteliere, rezidenciale, turistike dhe kulturore, që sipas Pacollit është e vetmja në llojin e saj në këtë rajon.

Në një postim në Facebook, Pacolli falënderoi familjen e njohur Nymtashir për besimin dhe bashkëpunimin, duke theksuar krenarinë që ndjen për stafin profesionist të kompanisë së tij.

Ai u shpreh se ekipi i Mabetex-it vazhdon të ngrejë lart flamurin e Kosovës në çdo cep të botës.

“Sot, në Ulan Bator të Mongolisë, Mabetex inauguroi dhe përuroi kompleksin “Ayan Zalat”, një qendër prestigjioze hoteliere, rezidenciale, turistike dhe kulturore, të vetme në llojin e saj. Duke falenderuar familjen e nderuar Nymtashir per besimin, shprehu edhe krenarine për arritjet e stafit profesionist të kompanisë sime qe kudo ngrisin flamurin e shtetit tone te ri kudo neper bote”, ka shkruar Pacolli./Arbresh.info/