Pas një sezoni jo të mirë tek Horsensi në Danimarkë, Muhamet Hyseni është rikthyer tek Llapi.

Ai u transferuar si huazim deri në fund të sezonit, shkruan Arbresh.info.

Lajmi është bërë i ditur nga vetë klubi përmes një postimi në rrjetin social Facebook. Madje ai pritet të jetë i gatshëm për ndeshjen e nesërme me Dritën.

“Klubi Futbollistik Llapi ka kënaqësinë të njoftojë rikthimin e sulmuesit Muhamet Hyseni, i cili vjen në formë huazimi nga klubi danez AC Horsens deri në fund të këtij edicioni.”

“Dokumentacioni tashmë është kompletuar dhe ‘Momo’ do të jetë i gatshëm të ndihmojë ekipin që nga ndeshja e nesërme derbi ndaj Dritës”, shkruhet në njoftim.

Hyseni ishte golashënuesi më i mirë i Superligës 2023/24 me 26 gola, si dhe ka qenë pjesë e formacionit të vitit./Arbresh.info