Një drejtues motoçiklete është ndaluar nga Njësiti i Trafikut Rajonal në Prishtinë pasi gjatë një kontrolli në zonën e Fushë Kosovës, i janë gjetur substanca që dyshohet të jenë lëndë narkotike të llojit marihuanë.

I dyshuari është proceduar menjëherë për veprime të mëtejshme ligjore dhe hetimore nga Stacioni Policor në Fushë Kosovë.

Sipas Policisë së Kosovës, ky ndalim është pjesë e kontrolleve të rregullta në trafik dhe i angazhimeve të vazhdueshme për luftimin e shpërndarjes dhe posedimit të substancave të paligjshme, si dhe për garantimin e rendit dhe sigurisë publike.

“Ky veprim është pjesë e angazhimit tonë të përhershëm për luftimin e shpërndarjes dhe posedimit të substancave të paligjshme, si dhe për garantimin e rendit dhe sigurisë publike. Policia e Kosovës falënderon qytetarët për bashkëpunim dhe u bën thirrje që çdo aktivitet të dyshimtë ta raportojnë në numrat kontaktues 192 ose përmes aplikacionit “Lajmëro Policinë”, thuhet në njoftim./Arbresh.info