Finalet mes Jannik Sinner dhe Carlos Alcaraz gjithnjë janë të zjarrta dhe të jashtëzakonshme për publikun, por një e tillë sonte nuk përfundoi ashtu.

Finalja e sotme në ATP Cincinnatit mes të parit dhe të dytit në renditjen e ATP-së u mbyll pas vetëm 23 minutave, pas një dëmtimi të italianit, shkruan Arbresh.info.

Sinner nuk mundi të vazhdojë dhe u dorëzua në setin e parë, ani pse loja po dominohej nga spanjolli.

Momenti kur Sinner i dha fund ndeshjes rezultati ishte 5-0 në të mirë të Carlos Alcaraz.

Sinner u tërhoq për shkak të një dëmtimi, shkaku i të cilit nuk është i qartë, megjithëse gjatë ndeshjes ai mbante shpesh barkun, gjë që mund të tregojë edhe një problem të mundshëm viral.

Italiani nuk rrezikoi më shumë për ta vazhduar pasi në vazhdim e pret një turne edhe më i rëndësishëm sic është US Open.

Kjo fitore i jep Alcarazit titullin e Masters në Cincinnati, edhe pse finalja nuk u zhvillua sipas pritshmërive të tifozëve dhe lojtarëve.

Carlitos, the trophy and the kids ✌️@carlosalcaraz #CincyTennis pic.twitter.com/wBypGWyALL

— Tennis TV (@TennisTV) August 18, 2025

Kujtojmë se shumë pak kohë më parë një finale tjetër mes kësaj dyshe u zhvillua në “Wimbledon”, ku triumfoi Sinner me rezultat 3-1 me sete./Arbresh.info

Heartbreaking 💔

Get better soon, @janniksin 🙏 pic.twitter.com/KMGSxJpEwG

— Tennis TV (@TennisTV) August 18, 2025