Pas “dorëheqjes” së 21 drejtorëve, Rama rikthehet në Vlorë, tjetër takim në Bashki

10:01 | 7 Korrik 2025
Gita

Kryeministri shqiptar, Edi Rama, është rikthyer këtë të hënë në Vlorë, për një tjetër takim në Bashkinë e Vlorës, ku shoqërohej nga dy deputetët e zgjedhur të Qarkut, Bledi Çuçi dhe Pirro Vengu.

Rama ishte i veshur me të zeza, teksa u prit nga kryebashkiaku i Vlorës, Ermal Dredha, ku nuk ka takuar askënd, por ka avancuar pa folur drejt bashkisë.

Bëhet me dije se drejt Bashkisë së Vlorës, ku ndodhet kryeministri, kanë shkuar të gjithë deputetët dhe kandidatët për deputetë të qarkut, si dhe punonjës të administratës.

Sipas burimeve në takim do të flitet për një sërë problematikash, punësh të mbartura, turizmin, hapësirën publike, rendin dhe sigurinë, pastërtinë në qytet, por nuk do të mungojnë as diskutimet për investimet.

Ky është takim i dytë i Ramës brenda pak ditësh në Bashkinë e Vlorës, ku në të parin u kërkoi dorëheqjen 21 drejtorëve, të cilët e zbatuan në rresht për një.

Emërimin e drejtorëve të rinj nuk do e ketë në dorë Ermal Dredha, por vendimi do të jetë kolegjial nga një komision.

21 drejtorët që dhanë dorëheqjen

1- Zambak Selmanaj drejtor i Infrastrukturës dhe Urbanistikes

2-Olsi Durrolli drejtor i përgjithshëm i Ekonomisë

3- Dorjan Demiri drejtor i përgjithshëm Juridik

4- Kozma Mali drejtor i Financave

5- Emiljano Ismalili drejtor i policisë bashkiake

6-Sokol Kananaj Drejtor i tatimeve pranë bashkisë

7-Jovan Jaupaj drejtor i Aseteve

8-Arlinda Tepelena drejtor i Turizmit

9-Dorjan Xhelili drejtor NSHP

10Francesko Tozaj drejtor i Pastrimit

11-Endri Rrokaj drejtor i Gjelbërimit

12-Anila Hitaj drejtoreshë e shtëpisë se foshnjës

13-Irena Stasa drejtoreshë e Shërbimeve Sociale pranë bashkisë

14-Elida Grabova drejtoreshë e shtepise per personat me probleme mendore

15-Lorela Ballaj drejtoreshë e Shtepise se fëmijëve me aftësi të veçanta

16-Ardian Vreshtazi drejtor i Emergjencave Civile

17-Sokol Toto drejtor i teatrit Petro Marko

18-Genci Demiraj drejtor i Pallatit të Kulturës

19-Laura Brinja drejtoreshë e burimeve njerëzore

20-Igli Zahaj i drejtor i IMT

21- Elona Merkaj drejtore e Pallatit të Sportit