Macron kundër ndryshimit të “regjimit të Iranit” përmes mjeteve ushtarake: Do të çonte në kaos

23:54 | 17 Qershor 2025
E.G

Presidenti francez, Emmanuek Macron, tha se është kundër përpjekjeve për ta ndryshuar “regjimin e Iranit” përmes mjeteve ushtarake.

Macron u shpreh se një gjë e tillë do të çonte në Kaos, teksa u shpreh se Franca do të mbështeste një armëpushim në mes Izraelit dhe Iranit.

“Unë besoj se gabimi më i madh sot është të kërkohet një ndryshim regjimi në Iran përmes mjeteve ushtarake, sepse kjo do të çonte në kaos”.

“Përgjegjësia jonë është të rifillojmë diskutimet sa më shpejt të jetë e mundur për të rikthyer një kornizë dhe për t’i trajtuar çështjet bërthamore dhe balistike. Kjo është ajo që Franca ka bërë vazhdimisht gjatë 10 viteve të fundit” tha Macron, shkruan CNN, transmeton Klankosova.tv.

Gjatë ditës, presidenti amerikan, Donald Trump, përmes një postimi në “Truth Social” tha se tashmë kanë kontroll të plotë mbi hapësiren ajrore të Iranit.