Agjenti i Dakut tregon se si qëndron e vërteta për kalimin e sulmuesit shqiptar tek Zeniti

15:34 | 17 Qershor 2025
D.H

Gjatë ditës së sotme është raportuar se Mirlind Daku është duke hasur probleme për një kalim të mundshëm tek gjiganti rus, Zenit Saints Petersburg.

Shkak është bërë paga e majme e Dakut, shkruan Arbresh.info.

E pas këtyre lajmeve që qarkulluan ka folur edhe agjenti i futbollistit nga Gjilani.

Ai tha se negociatat mes Rubin Kazan dhe Zenit janë në fazën përfundimtare, palët duhet vetëm të bien dakord për kushtet financiare të bashkëpunimit.

“Daku është shumë afër transferimit te Zenit, por ende nuk kemi arritur një marrëveshje përfundimtare, nuk kemi rënë dakord për kushtet financiare. Negociatat janë në fazën përfundimtare”, i tha agjenti Dakut korrespondentit të “Championat.com”, Vladimir Chetverik.

Mirlind Daku është 27-vjeç dhe luan për Rubin që nga viti 2023. Këtë sezon, sulmuesi shqiptar ka shënuar 15 gola dhe ka bërë tetë asiste në 26 ndeshje në kampionatin rus./Arbresh.info