Klubi anglez Aston Villa ka bërë një ofertë zyrtare për mbrojtësin e Napolit, Amir Rrahmani, sipas raportimeve nga mediat italiane.

Futbollisti nga Kosova është një nga emrat e preferuar të trajnerit Unai Emery, i cili kërkon të përforcojë repartin defensiv për sezonin e ardhshëm në Premier League.

Edhe pse shifrat e ofertës nuk janë bërë publike, burime pranë lojtarit raportojnë se Rrahmani është i tunduar nga mundësia për t’u transferuar në elitën e futbollit anglez, si dhe nga projekti ambicioz i klubit nga Birmingham.

31-vjeçari është një nga shtyllat e mbrojtjes së Napolit dhe ka qenë i rëndësishëm në sukseset e klubit në sezonet e fundit, përfshirë edhe titullin kampion në Serie A.

Megjithatë, me ndryshimet e fundit në skuadër dhe interesimin e madh nga Premier League, një transferim këtë verë nuk përjashtohet.

Mbetet të shihet nëse Napoli do ta pranojë ofertën dhe si do të zhvillohet situata në ditët në vijim.

Kapiteni i kombëtares ka fituar dy tituj kampion të Serie A me Napolin dhe është pjesë e këtij klubi nga viti 2020 kur u transferua nga Verona./Arbresh.info